پاکستانتازہ ترین

کامن ویلتھ گیمز، پاکستان کی خواتین کرکٹ ٹیم کو بھارت نے شکست دے دی

برمنگھم(ڈیلی پاکستان آن لائن) کامن ویلتھ گیمز میں پاکستان کی خواتین کرکٹ ٹیم کو شکست کا سامنا کرنا پڑ گیا ہے۔ پاکستانی کرکٹ ٹیم کو بھارت کی خواتین کرکٹ ٹیم نے 8 وکٹوں سے شکست دی ہے۔

 پاکستان کی کرکٹ ٹیم نے جیت کے لیے بھارت کی خواتین کرکٹ ٹیم کو 100 رنز کا ہدف دیا تھا، بھارٹی ٹیم نے 100 رنز کا ہدف دو وکٹوں کے نقصان پر 12 ویں اوورز میں حاصل کرلیا۔ بھارت کی جانب سے سمرتی مندھانہ نے 63 رنزکی ناقابل شکست اننگزکھیلی۔ پاکستان کی جانب سے عمیمہ اور طوبیٰ نے ایک / ایک وکٹ حاصل کی۔

پاکستان کی جانب سے منیبہ علی 32 رنز بنا کر نمایاں رہی تھیں جب کہ عالیہ ریاض 18 اور بسمہ معروف 17 رنزبنا کر نمایاں رہی تھیں۔پاکستان کی خواتین کرکٹ ٹیم نے بھارتی کرکٹ ٹیم کے خلاف ٹاس جیت کر پہلے بیٹنگ کا فیصلہ کیا تھا۔

اضح رہے کہ دونوں کرکٹ ٹیموں کے درمیان کھیلا جانے والا میچ 20 اوورز کے بجائے صرف 18 اوورز پر مشتمل تھا کیوںکہ بارش کے باعث میچ وقت پر شروع نہیں ہو سکا تھا۔کامن ویلتھ گیمز کے اپنے پہلے میچ میں بھی پاکستان خواتین کرکٹ ٹیم بارباڈوس کی ٹیم سے ہار گئی تھی جب کہ آسٹریلیا نے بھارتی ٹیم کو شکست دی تھی۔

برمنگھم میں جاری کامن ویلتھ گیمز میں خواتین کے کرکٹ مقابلے شامل کیے گئے ہیں جس کے بعد کامن ویلتھ گیمز 2022 میں پاکستان، بھارت، آسٹریلیا، بارباڈوس، انگلینڈ، نیوزی لینڈ، جنوبی افریقہ اور سری لنکا کی خواتین کرکٹ ٹیمیں حصہ لے رہی ہیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Translate »